GAZTE ASANBLADA ERABERRITZERA GOAZ!

0

kartela

“Inperialismoa Ukrainian eta Herri Erresistentzia Donbassen” hitzaldia Txantxerrekan

0

“Inperialismoa Ukrainian eta Herri Erresistentzia Donbassen” izenpean Askapena Euskal Herriko mugimendu internazionalistak, Ernaik eta Euskal Herria Donbass komiteak antolatuta, Ukrainiako egoerari buruzko hitzaldia izango dugu asteazken honetan, urriak 29, arratsaldeko 19etan Txantxarrekan. Hedabideetan irakurritkoa nahikoa ez dela iruditzen bazaizu, aukera paregabea izango dezu bertan gertatzen denaz gehiago jakiteko.

Informazio gehiago:

www.txantxarreka.net

29Hitzaldia

Azaroak 1, hitzaldia Kortxoenean

0

kkkkk

MAISON 13 proiektuaren aurkezpen bideoa

0

Urriak 24 Donostiako Andia kalean #KutxabankPublikoa

0

kutxa

Putzuzulo Amets Fabrikak, 9 urte!

0

Putzuzulo Amets Fabrika
9.URTEURRENA

kendu zapata zaharrak … BIDE BERRIAK URRATZERA GOAZ!!

Azaroak 1, larunbata: GAZTETXEA KALEAN
putzuzulo.net

ZORIONAK PUTZUZULO!!!

IMG670

“Capitalismo es crisis” hitzaldia Itxas Gainen

0

unnamed

Erreka urez gainezka dator

0

errekaleor

 

Errekaleorri buruz BERRIAn argitaratutako artikulua:

Leihoak adreiluz estaltzen dituzten bi langileez gain, ia ez dago arimarik Errekaleor auzoko kaleetan. Elizak itxita dauzka ateak, baita frontoiak ere, eta ez dago dendarik. Itxura zaharreko telefono kabina ez dago lekuz kanpo ingurune horretan». Hala deskribatu zuten egunkari honetan Gasteizko Errekaleor auzoaren egoera 2012ko urtarrilean. Ia hiru urteren ostean, argazkia erabat aldatu da. Egun Gasteizko auzorik bizienetakoa da Errekaleor. Pilotalekua, gizarte etxea eta zinema irekita daude, eta, gainera, azken urteetako bizilagun kopururik handiena du auzoak, eta gehienek 25 urte baino gutxiago dituzte. Iazko irailean, gazte talde batek 26. zenbakian dagoen etxea okupatu zuen, eta geroztik bide bera hartu dute beste hainbatek. «Gutxi gorabehera 70 bat lagun bizi gara auzoan, eta etxe jabeak hogei bat baino ez dira», esan du Asier Agirrek, abuztuan Errekaleorrera bizitzera joandako gazteak. Idortutako errekak berriro ere ura dakar.

1950eko hamarkadan eraiki zuten Errekaleor auzoa, bizitzeko tokirik ez zuten beharginentzat. Arabako hiriburuan industria garatzen ari zen, eta milaka lagunek hara jo zuten lan bila. XX. mendearen bukaeran auzoa hustuz joan zen, hango biztanleak Gasteizko beste auzoetara mugitu baitziren. Gasteizko Udalak 2002an erabaki zuen auzoa eraistea, etxe berriak egiteko. Baina auzokideen erresistentziarekin topo egin zuen. Batzuek onartu zuten alde egitea, baina askok ez. Bost urte geroago, lanetarako dirurik ez zuelako, udalak behin-behinean utzi zuen Errekaleor botatzeko asmoa.

Auzoa sortu zenetik hirurogei urte baino gehiago pasatu dira, eta bizilagun olatu berria jaso du. Kasu honetan, egoera aldatu bada ere, etxebizitzaren beharrak eraman ditu gazteak Errekaleorrera. «Ikasle asanbladan ezagutu genuen elkar, eta frustrazio bat genuen. Ikasle mugimenduan ibiltzen ginen, baina errealitatearekin topo egiten genuen. Unibertsitateko matrikulaz gain, etxearen alokairua ordaindu behar genuen», dio Ane Goitiak. Hark lan egiten zuen, baina ezin zien gastu guztiei aurre egin. Beraz, gurasoei laguntza eskatu behar zien: «Kristoren dirutza da». Goitia iazko irailean joan zen Errekaleorrera bizitzera. Agirre, ordea, proiektua ezagutu ostean joan zen auzora. «Ezagunak nituen bertan. Auzoan gertatzen zena jarraitzen genuen. Beraz, sei edo zazpi lagun batu, eta abuztuan sartu ginen».

Goitiak eta Agirrek unibertsitatean ikasten dute, baina badira bestelako inguruetatik etorri direnak ere. «Gasteizko Okupazio Bulegoarekin harremanetan gaude, eta handik hainbat jende etorri da. Apiril bukaeran, San Frantzisko kalean zegoen etxe okupatua hustu zuen Ertzaintzak, eta auzora etorri ziren», azaldu du Goitiak. «Horiez gain, uda bukaeran etxerik gabe geratu den familia bat ere etorri da, eta lana galdu ostean etxeko alokairuari aurre egin ezin dion lagun bat ere bai».

Norbere etxea atontzeaz gain, auzoan lan egiten dute bizilagun berriek. Gizarte etxea ireki eta baratzea martxan jarri dute. Auzoko taberna oraingoz itxita dago, baina aurreikusia dute abian jartzea. Frontoia erabiltzeko aukera badago ere, teilatuan bi zulo daude, eta ura sartzen da; hori konpontzea egitekoen zerrendan dute. Zineman ere hainbat ekitaldi egin dituzte, baina argiarekin arazoak dituzte. «Iaz igandero ipintzen genituen filmak. Kontzerturen bat ere egin dugu. Baina argiarekin arazoak izan ditugu behin baino gehiagotan. Uste dut zinema ondoan bizi den auzokideak ez gaituela oso ondo hartu».

Gazteak ez dira auzoko azpiegiturak erabiltzen dituzten bakarrak. «Auzokideak zirenak bi tailer ematen dituzte gizarte etxean: eskulanak eta joskintza. Lagun kuadrilla moduko bat dira. Beti han batu dira, eta, giltzak dituztenez, biltzen jarraitzen dute». Horrez gain, gazteek euskarazko aisialdi jarduerak bideratu dituzte inguruko auzoetako umeentzat. «Euskara elkarteek euskarazko aisialdi jarduerak antolatzen dituzte Gasteizko auzoetan. Olarizu ingurukoek galdetu ziguten ea hemengo gizarte etxean egin zitekeen horrelakorik, eta guk baietz esan genien», dio Agirrek.

Auzoko ekinbide guztiak martxan jartzeko, dirua behar dute gazteek, besteak beste, orturako materiala erosteko eta sarrerako muralerako margoa erosteko. Horregatik, beste ekintza batzuen artean, Gasteizko gaztetxeko osteguneko jarduera kulturalak kudeatzen dituzte. Ostegun honetan Bartzelona jaia egingo dute; hurrengo ostegunerako, berriz, bertso saioa prestatu dute.

Hori guztia antolatzeko, auzo batzarra egiten dute bizilagunek hilean behin. Gainera, ostegunero koordinazio bilerak egiten dituzte, lantaldeek euren lanaren eta beharren berri emateko. Bost lantalde dituzte: ortua eta elikadura; komunikazioa, kartelak eta sare sozialak kudeatzekoa; KOD kultura ostegunak eta diruzaintza; harremanak lantzeko lantaldea; eta autodefentsa, egoera juridikoa kudeatzeko. Norbaitek auzora bizitzera joan nahi baldin badu, batzarretara bideratzen dute.

Harremanen garrantzia

Elkarbizitza gogorra da sarri. Egun, Errekaleorreko auzo proiektuan ia 50 pertsonak parte hartzen dute, eta horrek zailtasunak dituela onartu du Agirrek. Horretaz ohartuta sortu zuten harremanak lantzeko lantaldea. «Ikusi genuen tentsio handia zegoela proiektuan geundenon artean, hainbat gairen inguruan iritzi ezberdinak genituelako. Horri aurre egiteko, martxan jarri genuen harremanen taldea. Haien lana da gure artean sortzen diren arazoak identifikatzea eta horiei aurre egiteko dinamikak antolatzea».

Batzar handietan ez ezik, etxeetan sor daitezkeen gatazkak saihesteko neurriak hartu zituzten aspaldi 26. zenbakiko etxean. «Bi astean behin sentimendu bilera egiten dugu, elkarbizitzan gerta daitezkeenak lantzeko eta hobeto eramateko», azaldu du Goitiak. Halere, Goitiak uste du auzokide berrien artean talde izaera handia dagoela unean-unean gerta daitezkeen arazoen gainetik. «Denok ezagutzen dugu elkar. Batekin bestearekin baino hobeto konponduko zara, baina, zerbait gertatzen denean, denok agertzen gara, auzokoak garelako».

Errekaleorren aurretik zeuden auzokideekin, oro har, harreman ona dute. Hasieran, auzokide asko ez ziren fio gazteekin, baina, eguneroko lanarekin eta jarrerarekin, haien konfiantza irabazi dute, Goitiak berretsi duenez: «Betiko auzokideekin dugun harremana informala da. Kalean topatuz gero, elkar agurtu eta hitz egiten dugu, edo zerbait behar badute, etxeko txirrina jotzen dute».

Lege egoera

Gaur egun, auzokideak bi epaiketatan murgilduta daude. Auzokide historikoek administrazio auzitegian daukate auzia udalarekin, euren etxeko tasazioa igotzeko. «Udalak ez die etxea beste baten truke aldatzen. Prezio bat jartzen die etxeei, eta diru hori ematen die. Egun, 90.000 eurokoa da prezio finkatzea, eta hori igo nahi dute auzokideek», dio Agirrek. Epaiketa eguna gertu dagoenez, auzokideek ez dute BERRIArekin hitz egin nahi, zer gerta ere.

Errekaleorreko 26. zenbakiko gazteek, ordea, 21 Zabalgunea udal enpresarekin dute auzia. Udal ordezkariek osatutako kontseiluak hartzen ditu enpresaren erabakiak; EAJk, PSEk eta Bilduk hiruna ordezkari dituzte, eta PPk lau, alkatetza haren esku dagoelako. Gazteak, PPrekin izan ezik, beste alderdi guztiekin bildu ziren 21 Zabalguneak salaketa jarri baino lehen. «Bilduk esan zigun salaketaren aurka bozkatuko zuela, eta PSEk, oposiziotik abstenitu egingo zela; EAJ zalantzan zegoen, baina, azkenean, bozketa baino pixka bat lehenago deitu ziguten, esateko salaketaren alde bozkatuko zutela, eurek auzorako proiektu bat zutelako», gogoratu du Goitiak. Beraz, aurrera egin zuen Errekaleor 26 etxearen aurkako salaketak. Irailaren 9an zuten lehen saioa, baina urriaren 21era arte atzeratzea lortu zuten. Epaiketari begira, bi aukera aurreikusi ditu Goitiak: «Hauteskundeen aurretik bota nahi bagaituzte, azkar egingo dute. Bestela, prozesua asko luza daiteke, hurrengo udalak zer egin erabaki arte».

Zalantzazko etorkizuna dute Errekaleorreko auzokide gazteek. Hala ere, auzo proiektuarekin jarraituko dute. Hasieran batzuek okupatzeko hautua arrazoi ekonomikoengatik egin bazuten ere, egun bizimodu horrekin jarraitzeko beste mila arrazoi dituzte, Agirrek dioenez: «Gure bizitzaz jabetzea da, hainbat esparrutan galdu dugun jabetza berreskuratzea, hala nola etxebizitzan, kulturan eta elikaduran. Gure bizitzak gidatzen dituzten lerro horiek guk geuk definitzeko saioa da».

Oiartzungo Arragua auzoko Goikoeskola Kulturgune Okupatuak 14 urte

kartela goiko 2014 Urria

EGITARAUA:
* URRIAK 9, OSTEGUNA:

– 19:00tan: Juanmi Gutierrezek zuzendutako dokumentala ikusgai, “ATEAK ZABALDUZ”, okupazioari buruzko dokumentala. Zuzendaria bertan izango dugu eta dokumenatala ostean solasaldia izateko aukera izango dugu, zeoze pikoteatzen dugun bitartean.

* URRIAK 10, OSTIRALA:

– 21:00tan: Afariyeeeah herrikoia, 5 €gatik. Aukera beganoa izango da betiko moduan.

– 23:00tan: Kontzertua JONPE TA ZETAS + SBA + ALT BLUES BAND

* URRIAK 11, LARUNBATA:

– 19:00tan: “NO ES FACIL” antzezlana, Behi2`s antzerki konpainiaren akutik.

– 20:00tan kantautorea: APALATXE

– 21:00tan: Afariyeeeah herrikoia, 5 €gatik. Aukera beganoa izango da betiko moduan.

23:00tan: Kontzertua EKIN + ON.

“DONOSTIA EZ DAGO SALGAI! 2016 DESOKUPATU” EZTABAIDA JARDUNALDIAK

Kartela 1

Datorren urriaren 18an, larunbatarekin, “DONOSTIA EZ DAGO SALGAI! 2016 DESOKUPATU” izenburupean antolaturiko jardunaldiak hasiko dira, hain zuzen ere 2016ko Europako Kultur Hiriburutzaren kariaz Donostian  indartzen den hiri-ereduari buruz jendartean eztabaida bultzatzeko eta hedatzeko asmoz. Helburu hori aurrean, hainbat mahainguru, proiekzio eta kale ekintza egingo dira udazkenean zehar, besteak beste hiriaren komertzialiazioa, turismo masiboa eta kulturaren merkantilizazioa eztabaidagai jarrita. Hori dela eta, eztabaidagune gisa planteatzen diren jardunaldi hauetan partehartzeko dei egin nahi diogu jende guztiari, kritika eraikitzeko eta ekimen berriak sustatzeko aukera emanez.

 Gure ustez, 2016ko Europako Hiriburutza lehenik eta behin hiriaren kometzializaziorako tresna bat da, Donostia salgai bihurtzeko “marka”, sustapen turisikoari begira narbarmenki. “Kultura” amua da, espazio urbanoa eta hiria salgarri bihurtzeko. Horrenbestez, Donostia 2016 hirigunearen erabateko merkantilizazioa bizkortzeko baliatzen duten irudi komertzial bat da, eta gertakari honek, hiri-ereduari dagokionean, kapitalismoak markatzen duen norabidean sakontzea eta desberdinkeriak areagotzea dakar berekin. Bestalde, modu finago batean, Kultur Hiriburutza hiriko mugimendu sozialak neutralizatzera daraman benetako harrapagailu bat da: izan ere, Donostia 2016 inguruan “pizgarri” ekonomiko mordo baten bitartez eragiten duen sare klientelar bat sortzen ari da, ekimen hiritarrak eta talde sozialak enpresekiko eta instituzioekiko kolaborazio-kultura batean murgilduz. Ondorioz, kulturaren erretorikaren azpian, oinarrizko herri-mugimenduen espazioa usurpatu eta beren gaitasunak merkatu-gizartearen moldeetara ekartzeko asmoa nabaria da.

Arrazoi hauek eta beste askorengatik, 2016 ez da gure espazioa eta inposatzen diguten marka hori desokupatzeko proposatzen dugu, erantzun konkretuak nahiz eredu desberdinak eraikitzeko. 2016 desokupatu, beraz,  borroka (kontra)kulturala berreskuratzeko aldarria da, harreman ez-merkantilistak eta ondasun komunen defensa oinarritzat hartuz, konformidadea eta errentagarritasunezko makineria eragozteko.

Hortaz, jardunaldietan zuen parte hartzea espero dugu eta deialdi honen berri zuen inguruan ematea eskatzen dizuegu. Kartel bat bidaltzen dugu (azaroaren 1era bitarteko ekintzekin). Aurrera begira, egitaraua zabalik dago proposamen berriak egiteko.

Informazioa: 2016desokupatu.wordpress.com

Harremanetarako: 2016desokupatu@gmail.com

EGITARAUA:

 

Urriak 18 Larunbata:

17’00etan: Hitzaldiak eta eztabaida, Europako Kultur Hiriburutza eta hiri-eredua:

-Andeka Larrea: “DSS2016EUeta euskal hirien kasua : Imajinario urbanoak, marketinga eta hiriaren berrasmaketa”

- Thomas y Fabien: “LILLE-2004: FESTA AMAITU DA: 2004ko Europako Kultur Hiriburutzaren ondoren Lillek jasandako eraldaketa ekonomiko eta urbanoa eta Berdeen papera”

19’30etan: Luntxa

20’00h: Pierre Vissler clownaren bakarlana (Zuberoa): No Future.

Tokia: Kortxoenea Gaztetxea (Gros-Ulia auzoa, K/Indianoenea 16).

Andeka Larrea imajinario urbanoen inguruan arituko da eta marketingak hirien narratiba nahiz irudikari hegemoniko berriak nola sortzen eta inposatzen dituen azalduko du (DSS2016EU bezalako gertakari baten kasuan nabarmenki). Irudizkoa den Euskal Hiria delakoan bildu nahi dituzten euskal hiri desberdinen artean parekotasunak eta alderaketak egingo ditu. Horren aurrean galdera bat: posible ahal da kanpotik ezarrita datorren imajinario horri jendarteak beste irudikari bat kontrajartzea?   Andeka Larrea Bilbao y su doble eta Euskal Hiria. Reflexiones sobre la ciudad y las ciudades vascas liburuen egilea da.

Donostia 2016 izan daitekeena aurreratuz, Lille-ko bizilagun Thomas eta Fabienek (2004ean Europako kultur hiribu izandakoa, Frantziako iparraldean) beren hiriak 2004 urteaz geroztik jasandako eraldaketa ekonomiko eta urbano itzela kontatuko digute.  “Lille 2004” hiriburutzak hiriaren merkantilizazioa nola azkartu eta teknologia berrien menpe jarri duen azalduko dute, baita Berdeek prozesu honetan jokatu duten papera argitu ere. Agian antzekotasun bat baino gehiago antzemango dugu, gure kultura herrikoien suntsiketa komertzialeko negozio horrek zertan datzan hobeto ulertzeko. Thomas y Fabien La fête est finie eta L’enfer vert libruen egileak dira.

 

Pierre Vissler clownaren bakarlana (Zuberoa, Montori). No Future gizon bat eta bere doblearen arteko gatazkaren istorioa da. Egunez egun egiten dugunari begirada bat ematea proposatzen digu. Clownak ezin ditu bere sentimenduak izkutatu eta ez da inon bere lekuan sentitzen…

Urriak 24 Ostirala:

21’00etan: BYE BYE BARCELONA dokumentalaren proiekzioa, konstituzio plazan.

Bye Bye Barcelona kataluniako hiriburua jasaten ari den turismo basatiari buruzko ordubeteko dokumentala da. Hiria gainezka egiten hasi da. Itogarri bihurtzeraino. Bizilagunen gainetik pasatzeraino.  Eta egin kontu, gain-esplotazio hori Euskal Herriko paraje hauetan ere imitatzeko tentazioak antzematen baitira: Donostian ematen diren datuen arabera, kasu,  biztanle bakoitzeko turista kopurua Bartzelonakoaren %57koa da dagoeneko. Beraz, gertakari katalandar honi ere erreparatzea ez dugu debaldekoa. Tourist, remember, you are in the Basque Country baino zerbait gehiago esaten hasteko ordua guri ere iritsiko zaigulako, akaso (Gorka Bereziartua ARGIAko kazetariaren komentarioa).

Azaroak 1 Larunbata:

11’00etan: “2016: INKESTA HIRITARRA”,  Bretxako azokan.

 

Azaroaren bigarren hamabostaldian (egunak eta tokiak zehaztuko dira):

 

MAPEO KOLEKTIBOA: “ZER DAGO DONOSTIAN?”:

Donostialdeko esperientzia ezberdinen elkarrezagutza ariketa bat izango da, bazkari baten inguruan. Donostialdeko mapa batean, bai esperientzia konkretuak zein memoria ariketa: “Zein esperientzia edo gertakarik osatu dute bestelako eredu baten gure memoria propioa eta kolektiboa?”. Mapeoak Donostian sareak sendotzeko erabilgarriak izan daitezkeen ondorioak eta tresnak garatzen laguntzea izango du helburu. .

DESMARCAR BARCELONA konferentziaren proiekzioa(2014ko maiatza):

Marina Garcéseren arabera, turismoa leku bateko baliabide komunak agortu arte ustiatzen dituen “extractivismoa”ren paradigma ekonomikoarekin pareka daiteke. Kontzeptu hori herrialde emergenteetan ezartzen ari den hazkunde-eredu kapitalista aztertzeko eta  salatzeko erabili ohi da, eredu hori beren lurraldeko baliabide energetiko eta naturalen ustiaketa mugagabean oinarritzen delako. Orain, hemengo extractibismoa turismoa balitz? Zein dira turismo masiboak gaurregun planteatzen dituen erronkak?…

HIRI MARTXA: “Tour de las desigualdades”

Abenduak 1 Astelehena:

19’00etan: Mahaingurua Koldo Mitxelena Kulturgunean: “INDUSTRIA TURISTIKOAREN ONDORIOAK EZTABAIDAGAI”. Partehartzaileak: Peio Etxeberri-Aintxart (Iparralde), Mikel Alonso (arkitektoa, Donostia), Xabier Arberas (Parte Zaharrean Bizi auzo elkartea), Felix Soto (Uliako auzo elkartea).

URRIAK 11 ASKE GUNEA DEUSTUN!

grebalariak

Euskal Herrian, 2014/10/2

Gaur hemen egotea nahi zuten, gure burua montaje guzti hau ahalbidetu izan duten instituzio burges eta eskirolen aurrean entregatzea nahi zuten. Auzitegi hauek izan ziren duela bi urte greba batean emandako istilu batzuengatik norbaiti “zigor eredugarria” ezarri behar ziotelako auziperatu gintuztenak.

Atxilotu gintuztenetik gaurdaino, bide luze eta astuna izan da gaur hemen ez egotera ekarri gaituena. Denbora guzti honetan astero sinatu behar izan dugu epaitegietan, froga faltsuetan oinarritutako auzi batean murgildu gintuzten, zipaio bat bestearen atzetik entzun behar izan genituen epaiketan gu inkulpatzen… eta epaiketaren ostean sententziaren zain, errekurtsoaren zain, eta azkenengoz kartzelaratze aginduaren zain. Guzti honek 2 urtez gure bizitzak eta maite gaituztenen bizitzak baldintzatu ditu, proiekturik eraikitzeko inolako aukerarik gabe.

Gure bizitzen gaineko erabaki ahalmena eduki nahi izan dute, eta gaur hemen bi urtez espetxera joateko aurkeztea hartu nahi zuten beste erabaki bat zen. Baina ez diogu inori gugatik erabakitzen utziko. Beste eredu sozioekonomiko baten alde kalean borrokatzeagatik atxilotu gintuzten, Euskal Herri libre, sozialista eta feminista bat eraikitzen genbiltzalako. Eta horretan jarraitzen dugu.

Egoera berean egon diren eta dauden beste hamaika euskal herritarrek bezala, desobedientziaren aldeko hautua egin dugu. Desobedientziaren bidea hartu dugu ez ditugulako instituzio arrotz hauek legitimatuko, desobedientzia audientzian epaituak izaten ari diren 28 gazteek bezala justizia eta legearen artean justizia aukeratzen dugulako, desobedientzia herri oso baten erabakia delako.

Gutun honekin bukatu aurretik, ez dugu eskertu gabe utzi nahi gertutik zein urrunetik gure ondoan egondakoen elkartasun eta babesa; Euskal Herri libre, sozialista eta feminista eraikitzeko bide zail eta luze hau eder bihurtzen duzuelako. Eta, nola ez, ezin ditugu bidelagun izan diren Irantzu eta Aitor ahaztu. Mila esker guztiei! Laster kalean ikusiko dugu elkar!

Urtzi Martinez eta Jon Telletxea.

 

Urtzi eta Tellek, desobedientziaren hautua egin dute. Horregatik, Urtzi eta Telleri elkartasuna adierazteko eta beste eredu sozioekonomiko bat aldarrikatzen jarraitzeko,urriaren 11n, larunbata, Grebalariak Aske plataformak Askegune bat antolatuko du Deustuko San Pedro plazan.

Esan bezala, askegune horren helburua elkartasuna adieraztea da, eta horretarako 5 orduko kontzentrazioa egingo dugu mugimendu feminista, sindikatu, eragile sozioekonomiko, erakunde politiko, gazte mugimendu eta abarrekoen babesarekin. Goizeko 10etan emango diogu hasiera askeguneari, eta goizean zehar, elkarretaratzeaz gain, elkartasun keinu ezberdinak burutuko dira bertan. Eguerdiko ordu bietan elkarretaratze nagusia burutuko dugu, “ez zaituztegu bakarrik utziko” lelopean.

Elkartasuna adierazteko momentua heldu da. Hemendik, beste eredu sozioekonomiko batean sinesten duen pertsona orori dei egiten diogu. Denok zaudete askegunera gonbidatuta, denok zarete beharrezkoak egun horretan. Denok grebalariak izan ginelako eta garelako, Urtzi, Telle ez zaituztegu bakarrik utziko! Grebalariak aske!

URRIAK 11 DENOK DEUSTUKO ASKE GUNERA!

 

Informazio gehiago:

http://grebalariakaske.wordpress.com/

 

 

KABI herri telebistak iazko azaroan argitaratu zuen 2012ko grebaren arrazoien eta ondorioen inguruko erreportajea:

 

Euskal Jaien 20. urteurrenean margoketak egiteagatik epaitu dituzte

Informazio gehiago: Ahotsa.info

 

Euskal Jai Bizirik taldearen oharra:

Gaur goizean, Iruñeko Probintzia Auzitegian hiru lagunen aurkako hutsegite epaiketa izan da, Euskal Jairen okupazioaren hogeigarren urteurrena iragartzeko pintada batzuk egitearen akusaziopean.

Auzipetutako hiru lagunak eta epaiketara joan den publikoa hondartza jazkeraz aurkeztu dira. Halaber, “Maya no quiere playa” lelodun kamisetak soinean zeramaten okupazioaren aldeko mugimenduaren aurkako kriminalizazioa salatzeko. Izan ere, gaurko epaiketaz gain Euskal Jairen okupazioaren hogeigarren urteurren egunean Aqua Voxen egin zen txonbo herrikoiagatik seguraski hainbat lagun epaituak izango direlako hainbat deliturengatik. Harrigarria bada ere hiru akusatuak hirurehun euroko isun bana jaso dute gertaera berberengatik.

Epaileak behin behinean epaiketa bertan behera utzi du auzipetutako bat euskeraz hasi delako  eta itzultzailea etorri arte ez da berriro hasi. Epaitutakoek uko egin diote deklaratzeari auzitegi honi gertaera hauek epaitzeko zilegitasunik aitortu ez diotelako. Azken hitzaren txanda heldu denean akusatuek salatu dute Euskal Jai suntsitu zutenak, higiezinen espekulazioaren bitartez aberastu direnak eta pobretutako jendea euren etxeetatik botatzen duten bankariak libre dauden bitartean, Euskal Jai defenditu eta okupazioa aldarrikatzen dutenak auzitegietatik pasatzera kondenatuta daudela. Halaber, auzoaren sostengua zuen jai eta aldarrikapen jardunaldi bat egiteagatik epaiketa hau eta herri txonboaren harira seguraski burutuko duten beste epaiketa bat izango dela kritikatu dute. Gainera, herri mugimenduaren kontrako kriminalizazioa salatu dute. Izan ere, isun asko jasotzen ari dira eta horrek kaleko protesta itotzeko helburu argia du.

Fiskaltzak 6 eguneko etxe arrestatzea eskatu du eta pintaden garbiketarako gastuen kalte ordaina (624,25€). Aldi berean, defentsa abokatuak auzipetuen absoluzioa eskatu du gertaeretan auzipetuen parte hartzea aski egiaztatuta gelditu ez delako. Honen ondoren, epaiketa epailaren zain gelditu da.

Go to Top